Roosterkoek
Naaf se Kombuis 
Gedeel op 2 November 2026
- 12 roosterkoeke
- ± 2 uur
Die storie agter die resep
Op die rooster langs die vleis, met botter en appelkooskonfyt as dit nog warm is.
Voeg by my maaltydplan
Teken in om 'n maaltydplan te maak.
Bestanddele
- 1 kg witbroodmeel
- 10 g kitsgis
- 10 ml sout
- 15 ml suiker
- 30 ml olie
- ± 650 ml louwarm water
Wat kort jy? 4 bestanddele.
Maak my boodskaplysMate omskakel
Metode
- Meng die meel, gis, sout en suiker in 'n groot bak.
- Voeg die olie en genoeg louwarm water by vir 'n sagte deeg.
- Knie tien minute lank tot glad, maak toe en laat rys tot dubbel die grootte.
- Druk die lug uit en vorm twaalf plat bolletjies.
- Laat weer vyftien minute rys.
- Bak oor matige kole, en draai gereeld om, tot hulle hol klink as jy daarop tik.
Naaf se Kombuis: tradisionele resep, in ons eie woorde.
Op die kombuistafel (0)
Het jy dit gemaak? Wys ons! Voeg 'n foto by jou kommentaar. Die foto met die meeste lepels op word die hooffoto van hierdie resep.