Korslose melktert
Naaf se Kombuis 
Gedeel op 17 Oktober 2026
- ± 1¼ uur
Die storie agter die resep
Die tert sonder kors: minder werk, en net so lekker.
Voeg by my maaltydplan
Teken in om 'n maaltydplan te maak.
Bestanddele
- 1 liter melk
- ½ kaneelstokkie
- Skil van ½ suurlemoen of lemoen
- 45 ml botter
- 250 ml koekmeel
- 250 ml suiker
- 1 ml sout
- 7,5 ml bakpoeier
- 4 eiers, geskei
- 2,5 ml amandelgeursel
- 10 ml fyn kaneel
- Krummels om die bak mee te bestrooi
Wat kort jy? 11 bestanddele.
Maak my boodskaplysMate omskakel
Metode
- Bring die melk, kaneelstokkie, skil en botter tot kookpunt en laat dit 20 minute trek.
- Meng die meel, suiker, sout en bakpoeier.
- Syg die melk en klits dit by die eiergele, en klop dit dan by die meelmengsel. Roer die amandelgeursel in.
- Sit terug op die stoof en verhit oor matige hitte tot kookpunt, terwyl jy met 'n houtlepel roer. 'n Paar klonte is nie 'n probleem nie.
- Smeer jou tertbak dik met botter en strooi krummels oor (beskuit, koekies of selfs hawermout).
- Klits die eierwitte met 'n druppel asyn tot sagte punte. Klits die melkmengsel glad en vou die eierwitte in.
- Giet in die bak, strooi kaneel oor en bak 25 tot 35 minute by 190 °C.
- Skakel die oond af en laat die tert nog 'n kwartier in die warm oond staan.
Oorgeskryf uit “Onthou jy nog? Praktiese en heerlike Voortrekker-resepte”, saamgestel deur Anna Eksteen (2005).
Op die kombuistafel (0)
Het jy dit gemaak? Wys ons! Voeg 'n foto by jou kommentaar. Die foto met die meeste lepels op word die hooffoto van hierdie resep.