Spek-en-lensiesop
Naaf se Kombuis 
Gedeel op 16 Oktober 2026
- 6 porsies
- ± 2½ uur
Voeg by my maaltydplan
Teken in om 'n maaltydplan te maak.
Bestanddele
- 6 repe spek, gekap
- 4 snye witbrood, sonder korsies
- 30 ml botter
- 2 groot uie, fyngekap
- 4 groot wortels, gerasper
- 3 selderystingels, gekap
- 500 ml oranje lensies, afgespoel
- 2 liter hoenderaftreksel
- 2 lourierblare
- 2 ml gedroogde basiliekruid
- 15 ml vars pietersielie, gekap
- 15 ml suurlemoensap
Wat kort jy? 12 bestanddele.
Maak my boodskaplysMate omskakel
Metode
- Braai die spek drie minute en skep uit.
- Sny die brood in blokkies en braai dit in die spekvet tot goudbruin. Hou eenkant vir croûtons.
- Smelt die botter in 'n groot kastrol en soteer die uie twee minute. Voeg die seldery en wortels by en kook nog vier minute.
- Voeg die lensies, aftreksel, suurlemoensap, lourierblare en basiliekruid by. Bring tot kookpunt en prut sowat twee uur.
- Roer die spek en pietersielie in, prut nog twee minute en bedien met die croûtons bo-op.
Oorgeskryf uit “Onthou jy nog? Praktiese en heerlike Voortrekker-resepte”, saamgestel deur Anna Eksteen (2005).
Op die kombuistafel (0)
Het jy dit gemaak? Wys ons! Voeg 'n foto by jou kommentaar. Die foto met die meeste lepels op word die hooffoto van hierdie resep.