Hertzogkoekies
Naaf se Kombuis 
Gedeel op 17 Oktober 2026
- 12–15 koekies
- ± 1 uur
Die storie agter die resep
Die storie lui dat die koekies na generaal Hertzog vernoem is. Hulle hoort op elke kerkbasaar se tafel.
Voeg by my maaltydplan
Teken in om 'n maaltydplan te maak.
Bestanddele
Kors
- 450 ml koekmeel (ongesif gemeet)
- 35 ml strooisuiker
- 10 ml bakpoeier
- 1 ml sout
- 125 g margarien, op kamertemperatuur
- 3 eiergele (ekstra groot eiers)
- 15 ml koue water
Vulsel
- 50–75 ml fyn appelkooskonfyt
- 3 eierwitte (ekstra groot eiers)
- 300 ml suiker
- 500 ml klapper
Wat kort jy? 9 bestanddele.
Maak my boodskaplysMate omskakel
Metode
- Sif die meel, strooisuiker, bakpoeier en sout saam en vryf die margarien liggies in.
- Klits die eiergele en water effens en meng dit in tot 'n sagte deeg. Voeg 'n druppel water by as dit te styf is.
- Knie die deeg goed, maak toe en laat eenkant staan. Verhit die oond tot 180 °C en smeer kolwyntjiepanne.
- Rol die deeg dun uit, druk groot sirkels uit en voer die holtes daarmee uit.
- Skep 'n teelepel appelkooskonfyt in elke korsie.
- Klits die eierwitte styf, klits die suiker geleidelik in en roer die klapper by.
- Skep 'n lepel van die klappermengsel bo-op die konfyt.
- Bak 20 tot 25 minute op die middelste rak en laat effens in die panne afkoel.
Oorgeskryf uit “Onthou jy nog? Praktiese en heerlike Voortrekker-resepte”, saamgestel deur Anna Eksteen (2005).
Op die kombuistafel (0)
Het jy dit gemaak? Wys ons! Voeg 'n foto by jou kommentaar. Die foto met die meeste lepels op word die hooffoto van hierdie resep.