Denningvleis
Naaf se Kombuis 
Gedeel op 17 Oktober 2026
- 4–6 porsies
- ± 2 uur
Die storie agter die resep
'n Kaaps-Maleise gereg; die naam beteken “gegeurde vleis”. Geen tamaryn nie? Gebruik 'n bietjie suurlemoensap of 'n kwartkoppie asyn.
Voeg by my maaltydplan
Teken in om 'n maaltydplan te maak.
Bestanddele
- 12,5 ml skaapvet
- 2 knoffelhuisies, gekneus
- 2 uie, in ringe
- 10 ml suiker
- 1 kg skaapdunrib of boud, in blokkies
- 4 heel naeltjies
- 4 wonderpeperkorrels
- 2 lourierblare
- Sout en peper
- 2 ml fyn neutmuskaat
- 125 ml water
- 2,5 ml tamaryn
- Nog 125 ml water
Wat kort jy? 11 bestanddele.
Maak my boodskaplysMate omskakel
Metode
- Smelt die vet in 'n swaarboomkastrol en voeg die knoffel en uie by. Strooi die suiker oor en smoor totdat die uie goudkleurig is. Skep uit.
- Braai die vleis in dieselfde kastrol totdat dit begin verkleur.
- Voeg die speserye, sout, peper en neutmuskaat by, skep die uie terug en gooi 125 ml water in.
- Maak toe en stowe 1 tot 1½ uur, totdat die vleis baie sag is.
- Week intussen die tamaryn in die ander 125 ml water en syg dit.
- Voeg die tamarynwater by die vleis en stowe nog 'n rukkie sodat die geure kan saamsmelt. Bedien met rys of aartappels.
Oorgeskryf uit “Onthou jy nog? Praktiese en heerlike Voortrekker-resepte”, saamgestel deur Anna Eksteen (2005).
Op die kombuistafel (0)
Het jy dit gemaak? Wys ons! Voeg 'n foto by jou kommentaar. Die foto met die meeste lepels op word die hooffoto van hierdie resep.