Blindevinke
Naaf se Kombuis 
Gedeel op 16 Oktober 2026
- 4 porsies
- ± 2½ uur
Voeg by my maaltydplan
Teken in om 'n maaltydplan te maak.
Bestanddele
- 1 ui, fyngekap
- 75 ml vars broodkrummels
- 5 ml sout
- 2 ml peper
- 5 ml gedroogde gemengde kruie
- 1 ferm tamatie, geskil en gerasper
- 12,5 ml botter of margarien
- 1 eiergeel
- 500 g kruisskyf, in skywe van 6 mm
- 30 ml braaivet
- 1 groot ui, in skywe
- 1 vleisekstrakblokkie
- 450 ml kookwater
- 12,5 ml koekmeelblom
- Gekapte pietersielie
Wat kort jy? 11 bestanddele.
Maak my boodskaplysMate omskakel
Metode
- Meng die gekapte ui, krummels, sout, peper, kruie, tamatie, botter en eiergeel tot 'n smeerbare vulsel.
- Skep 'n bietjie vulsel op elke vleisskyf, rol op en bind met tou vas.
- Braai die rolletjies rondom bruin in die braaivet en skep uit.
- Soteer die ui in dieselfde vet tot ligbruin en sit die rolletjies terug.
- Los die ekstrakblokkie in die kookwater op, giet oor en stowe 1½ tot 2 uur met die deksel op. Gee 'n bietjie water as dit droogkook.
- Skep die blindevinke uit, verdik die sous met die meel wat met 'n bietjie aftreksel aangemaak is, en geur na smaak.
- Giet die sous oor en strooi pietersielie oor.
Oorgeskryf uit “Onthou jy nog? Praktiese en heerlike Voortrekker-resepte”, saamgestel deur Anna Eksteen (2005).
Op die kombuistafel (0)
Het jy dit gemaak? Wys ons! Voeg 'n foto by jou kommentaar. Die foto met die meeste lepels op word die hooffoto van hierdie resep.